Introducción á Ludochapa

Dentro da grande variedade de xogos de chapas que podemos atopar, se cadra o máis difundido son as Carreiras de Chapas: un circuíto pintado no chan con xiz, ou ben marcado con pau sobre a terra e unhas chapas, algunhas con peso e pode que ata pintadas ... carreiras a mañanciña do sábado diante de Bonaval, campionatos para ver quen é o mellor do barrio, e o gañador queda coas chapas ...

Dende hai dous anos un equipo de persoas do ámbito do lecer levamos investigando, ideando e probando xogos con este elemento que a miúdo remata no cesto do lixo. Froito desta experimentación naceu a Ludochapa, unha ludoteca móbil a partir do xogar con chapas e vontade artística.